Bakı 
Balakəndə minik avtomobili dirəyə çırpılıb, ər-arvad xəsarət alıb.
Bakıvaxtı.az-ın məlumatına görə, hadisə Yevlax-Zaqatala-Gürcüstan sərhəd magistral yolunun Balakən rayonunun Katex kəndi ərazisindən keçən hissəsində baş verib.
Belə ki, Balakən rayon sakini Etibar Məmmədov idarə etdiyi “Mercedes” markalı avtomobillə hərəkətdə olarkən idarəetməni itirib, nəticədə avtomobil yol kənarında quraşdırılmış radar dirəyinə çırpılıb.
Qəzadan sonra sürücü və onun həyat yoldaşı L. Məmmədova xəsarət alıb.
Yaralılar Balakən Rayon Mərkəzi Xəstəxanasının Təcili Tibbi Yardım şöbəsinə yerləşdirilib.
Faktla bağlı araşdırma aparılır./Qafqazinfo
