Bakı 
"Büdcə dayanıqlığına fokuslanmaq yeni büdcə zərfinin əsas xüsusiyyətlərindən biridir".
Bakıvaxtı.az xəbər verir ki, bu sözləri parlamentin bugünkü iclasında Milli Məclisin İqtisadi siyasət, sənaye və sahibkarlıq komitəsinin sədri Azər Əmiraslanov 2026-cı ilin büdcə sənədi ilə bağlı çıxışı zamanı deyib.
Deputat vurğulayıb ki, büdcə kəsrinin idarəolunan səviyyədə saxlanması vacib məqsədlərdən biridir. Onun sözlərinə görə, dayanıqlı büdcə yalnız dayanıqlı gəlirlərə əsaslandıqda mümkün olur.
Əmiraslanov əlavə edib ki, maliyyə sabitliyinin qorunması büdcə zərfinin fundamental özəlliyidir və bu istiqamətdə atılan addımlar inflyasiyanın cilovlanmasına şərait yaradacaq.
Millət vəkili təqdim olunan sənədi belə xarakterizə edib:
“Təqdim edilmiş layihə proaktiv və ölçülüdür”.
Əli Hüseynov
