Bakı 
Hərbçilər və Ukraynanın bütün mülki əhalisi müharibənin tezliklə başa çatması ilə bağlı istənilən illüziyalardan qurtulmalıdır.
Bakıvaxtı.az xəbər verir ki, bunu Ukrayna Hava Desant Hücum Qüvvələrinin komandanı Oleq Apostol deyib.
Onun sözlərinə görə, Ukrayna cəmiyyəti və ordusu Rusiya ilə uzunmüddətli qarşıdurmaya mental olaraq hazırlaşmalıdır:
"Müharibənin başa çatması üçün konkret tarixləri gözləmək yalnız daxili döyüşə hazırlığı məhv edir. Bunun tezliklə bitməyəcəyinə indi özümüzü hazırlamalıyıq.
Özümüzü belə hazırlamalıyıq ki, sanki atəşkəs olmayacaq, buna hazırlaşmalıyıq.
Həqiqi qələbəyə aparan yeganə yol gündəlik, sistemli hazırlıq və mübarizəni uzunmüddətli proses kimi dərk etməkdir, burada istirahətə və ya düşmənlə boş kompromislərə inanmağa yer yoxdur".
