Bakı 
“Donald Tramp illərdir kəsilən ABŞ və Şimali Koreya arasında dialoqu bərpa etmək istəyir”.
Bakıvaxtı.az “LeFigfaro.fr”ə istinadən xəbər verir ki, bu barədə Cənubi Koreya prezidenti Li Çje Myon bildirib. Onun sözlərinə görə, Prezident Tramp dialoq istəyir:
“Mən də Prezident Trampı Pxenyanla dialoqa təşviq edirəm”.
Li Çje Myon əlavə edib ki, Tramp-Kim görüşü çətindir, lakin qeyri-mümkün deyil:
“Bunun nə qədər ehtimal olunduğunu dəqiq deyə bilmərəm, amma eyni zamanda aydındır ki, bu ehtimalı reallığa çevirmək üçün hər cür səy göstərməliyik”.
Xəbərdə qeyd olunur ki, D.Tramp Koreya Xalq Demokratik Respublikası Dövlət Şurasının sədri Kim Çen Inla münasibətləri yenidən alovlandırmağa çalışır və ilin sonuna qədər onunla yenidən görüşməyi planlaşdırır. Şimali Koreya isə hələ ABŞ-yə cavab verməyib.
Aydın
