Şəki rayon sakini itkin düşüb.
Bakıvaxtı.az xəbər verir ki, bu barədə DİN məlumat verib.
Bildirilib ki, Şəki rayonunun Oxud kənd sakini, 1995-ci il təvəllüdlü Abidova Aytən Tahir qızı iyulun 9-da yaşadığı ünvandan çıxaraq naməlum istiqamətdə gedib və bir daha geri qayıtmayıb.
Məlumatda sonuncu dəfə evdən gedərkən üzərində şabalıdı rəngli cins şalvar, qara rəngli köynək və qara idman ayaqqabısı olduğu qeyd edilib.
Açıqlamada diqqətə çatdırılıb:
“Fotodakı şəxsi tanıyanlardan və barəsində məlumatı olanlardan DİN-in “102” xidmətinə, həmçinin Şəki Şəhər Rayon Polis Şöbəsinin (024)244-25-50 şəhər və 055-628-00-84 mobil nömrələrinə zəng edərək məlumat vermələri xahiş olunur”. / APA
















