Bakı 
Sosial şəbəkələrdə aprelin 30-da Bakıda Milli Onkologiya Mərkəzində baş verən partlayış zamanı xəsarət alan həkim Asif Nəsirlinin ölməsi barədə məlumatlar yayılıb. Məlumatda bildirilir ki, həkimlərin səyinə baxmayaraq A.Nəsirli bu gün dünyasını dəyişib.
Bakıvaxtı.az-ın xəbərinə görə, məsələ ilə bağlı Baş Prokurorluqdan oxu.az-ın sorğusuna cavab olaraq bildirilib ki, yayılan məlumatlar həqiqəti əks etdirmir:
"Partlayış nəticəsində xəsarət alan həkim Asif Nəsirlinin vəziyyəti ağırdır, müalicəsi davam etdirilir. Həkimin ölməsi ilə bağlı yayılan məlumat yalandır".
****
14:56
Milli Onkologiya Mərkəzində baş verən partlayış nəticəsində ağır yaralanan həkim radioloq Asif Nəsirli dünyasını dəyişib.
Bakıvaxtı.az xəbər verir ki, bu barədə sosial şəbəkələrdə məlumat yayılıb.
Qeyd edək ki, aprelin 30-da Bakıdakı Milli Onkologiya Mərkəzində partlayış baş verib. Hadisə mərkəzin Şüa-diaqnostika şöbəsinin birinci mərtəbəsində yerləşən otaqlardan birində qeydə alınıb. Partlayış zamanı xəstə Mübariz Əliyev hadisə yerində həyatını itirib.
Hadisə nəticəsində həkim-radioloq Asif Nəsirli ağır bədən xəsarətləri alaraq xəstəxanaya hospitalizasiya edilmişdi.
