Bakı 
NATO baş katibi Mark Rütte Vaşinqton üçün əlverişli olan yeni müdafiə sazişləri vəd etməklə ABŞ Prezidenti Donald Trampı alyansda saxlamaq niyyətindədir.
Bakıvaxtı.az-ın xəbərinə görə, bu barədə "Politico" nəşri NATO-nun yüksəkvəzifəli diplomatlarına istinadən məlumat verib.
Üç diplomatın sözlərinə görə, Rütte iyul ayında Ankarada keçiriləcək alyans liderlərinin görüşünün uğurunu təmin etmək üçün müdafiə istehsalı və müqavilə həcmlərinin əhəmiyyətli dərəcədə artırılması üzrə kampaniyasına rəhbərlik edib. Bu, Avropadakı real çatışmazlığı aradan qaldırmaq, eləcə də Trampı qane edəcək iqtisadi proqramın yaradılması məqsədi daşıyır.
Dördüncü yüksəkvəzifəli diplomatın bildirdiyinə görə, Rütte şəxsi söhbətlər zamanı avropalıların iyul sammitində istehsalın və sənaye müqavilələrinin bağlanmasının artmasına dair dəlillər təqdim etməsində israr edib.
"Rütte müttəfiqlərə dedi ki, üzərində işlədiyiniz nə varsa, xahiş edirəm, onu Ankarada təqdim edin", - deyə mənbə nəşrə bildirib.
