Bakı 
Milanda keçirilən etiraz aksiyaları zamanı polislə toqquşmalar, iğtişaşlar və mağazaların talan edilməsi baş verib.
Bakıvaxtı.az "La Repubblica" qəzetinə istinadən xəbər verir ki, Milan dağıdıcı şəhər iğtişaşlarının növbəti mərhələsini yaşayır. Etirazlar nəticəsində mağaza vitrinləri dağıdılıb, bir çox müəssisə talan edilib və lövhələr sökülüb. Aqressiv gənclər zibil qutularından əşyalar atmaq üçün istifadə edib və küçə terraslarındakı masaları dağıdıblar.
Hücumlar baş örtüyü geyinmiş dəstələr tərəfindən həyata keçirilib.
Hüquq-mühafizə orqanlarının məlumatına görə, saxlanılanların təxminən 80%-i yetkinlik yaşına çatmayanlar olub.
Xatırladaq ki, 17 və 18 oktyabr tarixlərində baş verən iğtişaşlar zamanı polis 270-dən çox insanı saxlayıb.
Gülşən Şərif
