Lobodanın qonorarı və qəribə rayderi

Ukraynadakı münaqişə başlayandan sonra Rusiyanı tərk edən və özünü ukraynalı ifaçı kimi təqdim edən Svetlana Loboda karyerasında ciddi çətinliklərlə üzləşib.

Bakıvaxtı.az xəbər verir ki, "SHOT" kanalı müğənninin çıxış üçün qonorarını endirdiyini bildirib. O, indi bunun üçün 120.000 avro (təxminən 233 976 manat) istəyir. Amma onun rayderi eyni olaraq qalır.

Mənbələrə görə, sənətçi rayderi çərçivəsində hələ də gizli sürücü ilə lüks nəqliyyat istəyir: sürücü maska, əlcək taxmalı və ətir vurmamalıdır.

Müğənninin şəxsi əşyaları üçün ayrıca bir yük maşını tələb olunur. Lobodanı otel otağında nəmləndirici, vanna üçün dəniz duzları və pedikür dəsti gözləməlidir. Onun soyunma otağında hər birinin dəyəri 3000 rubldan çox olan dörd cüt premium corab yer almalıdır.

Loboda bilet satışında da problemlər yaşayır. Onun Avropa çıxışlarına tələbat zəifdir: Çexiyada yerlərin yarısından azı satılıb. Tur 21 şəhəri əhatə edir, lakin yalnız bir kiçik Polşa şəhərinin biletlərinin tamamilə satılacağı gözlənilir.

Qeyd edək ki, Loboda bundan əvvəl 14 min avro qonorar istəyirdi.