Bakı 
Küveyt Yaxın Şərqdəki münaqişənin nəticələri ilə əlaqədar digər ölkələrə karbohidrogen ixracında problemlər yarandığı üçün bəzi yataqlarda neft hasilatının azaldılması təşəbbüsü ilə çıxış edib.
Bakıvaxtı.az xəbər verir ki, bu barədə "The Wall Street Journal"(WSJ) məlumat yayıb.
Məlumata görə, ölkə hakimiyyəti neft hasilatını və emalını daxili istehlak üçün kifayət edəcək qədər səviyyəyə endirmək variantını nəzərdən keçirir. Müvafiq qərar yaxın günlərdə verilə bilər.
Nəşr qeyd edir ki, bu cür addım uzunmüddətli nəticələrə səbəb ola bilər, çünki istehsalın bərpası həftələr çəkə bilər.
