Bakı 
Yəməndə fəaliyyət göstərən “Ənsar Allah” hərəkatının (husilər) qüvvələri Ədən şəhərində hərbi düşərgəyə və dəniz bazasına zərbə endirib.
Bakıvaxtı.az xəbər verir ki, bu barədə hərəkatın sözçüsü Yəhya Sariya özünün “Telegram” kanalında məlumat yayıb.
Səriyanın sözlərinə görə, husilər Səudiyyə Ərəbistanı qüvvələrinin yerləşdiyi Ədəndəki əl-Nəsr hərbi düşərgəsini və dəniz bazasını hədəfə alıblar.
Hərəkatın nümayəndəsi bildirib ki, sözügedən obyektlərdə qüvvələrin hazırlığına briqada generalı Bədr Salah əl-Hərbinin rəhbərlik etdiyi Səudiyyə Ərəbistanı zabitləri nəzarət ediblər.
Hücumun nəticələri və mümkün itkilər barədə məlumat verilməyib.
