“Hizbullah” İsrailin şimalını raket atəşinə tutdu - VİDEO

İsrailin şimal bölgələri “Hizbullah” tərəfindən raket atəşinə məruz qalıb. 

Bakıvaxtı.az xəbər verir ki, hücum nəticəsində bir neçə yaşayış məntəqəsində partlayış səsləri eşidilib.

Məlumata görə, atılan raketlərə qarşı hava hücumundan müdafiə sistemləri işə düşüb və onların bir hissəsi havada zərərsizləşdirilib. Bununla belə, bəzi raketlərin yaşayış ərazilərinə düşdüyü bildirilir. 

Yerli mənbələr hadisə zamanı həyəcan siqnallarının işə düşdüyünü və əhalinin sığınacaqlara yönləndirildiyini qeyd edir.

Hadisə nəticəsində itkilər barədə hələlik rəsmi məlumat açıqlanmayıb.