General polkovnik-leytenantı rəis təyin etdi

Səfərbərlik və Hərbi Xidmətə Çağırış üzrə Dövlət Xidmətinin Gəncə şəhər İdarəsinə yeni rəis təyin olunub.

Bakıvaxtı.az “Yeni Sabah”ın əldə etdiyi xəbərə görə, bu barədə Dövlət Xidmətinin rəisi genera-mayor Mürsəl İbrahimov müvafiq əmr imzalayıb.

Əmrə əsasən, polkovnik-leytenant Ceyhun Əsədov Səfərbərlik və Hərbi Xidmətə Çağırış üzrə Dövlət Xidmətinin Gəncə şəhər İdarəsinin rəisi vəzifəsinə gətirirlib. 

O, artıq vəzifəsinin icrasına başlayıb. Gəncə Şəhər İcra Hakimiyyətinin başçısı Niyazi Bayramov yeni rəisi qəbul edib, təbriklərini çatdırıb. 

Qeyd edək ki, Ceyhun Əsədov bundan əvvəl SHXÇDX-nin Xaçmaz rayon şöbəsinin rəisi vəzifəsində çalışıb.