Bakı 
Ermənistanın Baş naziri Nikol Paşinyan ölkəsinin tarixin axarını necə dəyişə biləcəyini izah etmək üçün kiçik bir quş haqqında video çəkib.
Bakıvaxtı.az xəbər verir ki, o, videonu özünün "Telegram" kanalında yayımlayıb.
Kadrlarda kiçik bir quşun otaqdan uçmağa çalışdığı, lakin pəncərə şüşəsinə dəydiyi görünür.
"Bu kiçik quş içəri uçub və yeddi-səkkiz saatdır ki, belə uçur, şüşəyə dəyir, qarşısında boş yer gördüyü üçün çıxmağa çalışır", - deyə o, videoda bildirib.
Paşinyan, həmçinin, pəncərənin bağlı olduğunu, ona görə də bu yolla qaçmağın mümkün olmadığını, lakin yaxınlıqda açıq bir qapı olduğunu qeyd edib. Baş nazirin sözlərinə görə, "tariximiz haqqında bilməli olduğunuz budur".
Beləliklə, Paşinyanın videosu göstərir ki, Ermənistan da adi yanaşmalarını yenidən nəzərdən keçirməli və məqsədlərinə çatmaq üçün yeni yollar axtarmalıdır.
