Bakı 
“Reuters” agentliyi şahidə və vəziyyətlə tanış mənbələrə istinadən Səudiyyə Ərəbistanının paytaxtı Ər-Riyadın hava limanında güclü partlayış səsinin eşidildiyini bildirib.
Bakıvaxtı.az xəbər verir ki, məlumata görə, oktyabrın 9-da hava limanına hücum edilib.
Bundan əvvəl, sentyabrın 8-də də hava limanının ballistik raketlə hədəf alındığı bildirilir. Hücum nəticəsində Səudiyyə Ərəbistanının dövlətə məxsus “Saudia” aviaşirkətinin pilotu həyati təhlükə yaradan xəsarətlər alıb, təyyarələrdən biri isə zədələnib. Hava limanına daha əvvəl dronlarla da hücum edildiyi qeyd olunur.
Bölgədə gərginlik iyulun ortalarında başlayıb. Həmin vaxt Yəməndə hökumətyönlü qüvvələr İran tərəfindən göndərilən husilərin nümayəndə heyətini daşıyan təyyarənin enişi zamanı Səna hava limanına hücum edib.
Husi nümayəndə heyəti hadisəyə görə Səudiyyə Ərəbistanını günahlandıraraq müharibə elan edib. Bundan sonra tərəflər arasında müntəzəm atəş mübadiləsinin baş verdiyi bildirilir.
