BƏƏ sahillərində tanker vuruldu

Birləşmiş Ərəb Əmirliklərinin əsas limanlarından biri olan Fucayra yaxınlığında tankerə hücum edilib.

Bakıvaxtı.az xəbər verir ki, məlumatı Böyük Britaniya Kral Dəniz Qüvvələrinin Dəniz Ticarət Əməliyyatları Mərkəzi yayıb. Bildirilir ki, tanker Hörmüz boğazında naməlum mərmilərlə vurulub. UKMTO hadisə barədə məlumatı Birləşmiş Ərəb Əmirliklərinin Fujayra şəhərindən 78 dəniz mili (125,9 km – TASS) şimalda alıb.

Tanker heyətinin təhlükəsizlikdə olduğu və hadisənin ətraf mühitə heç bir təsiri olmadığı bildirilir.

Qeyd edək ki, bundan əvvəl SEPAH gəmilərə BƏƏ-nin Fars körfəzindəki şimal sahillərinə - Dubaya tərəf çəkilməyi tapşırmışdı.