“Azeri Light”ın qiyməti 100 dollardan aşağı düşdü

Dünya bazarlarında “Azeri Light” (CIF) markalı Azərbaycan nefti ucuzlaşıb.

Bakıvaxtı.az xəbər verir ki, Azərbaycan neftinin 1 barelinin qiyməti 1,3 ABŞ dolları və ya 1,28 % azalaraq 99,48 ABŞ dolları təşkil edib.

Qeyd edək ki, ötən gün neftimiz 100,78 ABŞ dollarına ticarət edilib.

Xatırladaq ki, “Azeri Light”ın ən aşağı qiyməti 2020-ci il aprelin 21-də 15,81 ABŞ dolları, maksimal qiyməti isə 2008-ci ilin iyulunda 149,66 ABŞ dolları təşkil edib. Builki dövlət büdcəsində “Azeri Light”ın 1 barelinin orta qiyməti 65 ABŞ dollarından hesablanıb.