Bakı 
ABŞ Dövlət Departamenti, İranın ABŞ-nin xaricdəki aktivlərini və maraqlarını hədəf alma ehtimalı səbəbindən dünya üzrə Amerika vətəndaşlarını "yüksək səviyyədə ehtiyatlı olmağa" çağırıb.
Bakıvaxtı.az xəbər verir ki, Dövlət Departamentinin açıqlamasında deyilir: "Yaxın Şərqdə gərginliyin artması fonunda təhlükəsizlik mühiti çətin olaraq qalır və gözlənilməz hadisələr potensialını saxlayır".
Bəyanatda vurğulanır ki, "Yaxın Şərqdən kənarda olanlar da daxil olmaqla, ABŞ-ın diplomatik obyektləri hücumların hədəfi olub. İran və onun təmsilçiləri xaricdəki digər ABŞ aktivlərini, eləcə də ABŞ və ABŞ vətəndaşları ilə əlaqəli yerləri hədəfə ala bilərlər".
ABŞ Dövlət Departamenti həmçinin qeyd edib ki, hazırda Yaxın Şərqdə olan amerikalılar "ehtiyatlı olmalı, yüksək sayıqlıq göstərməli və mümkün uçuşların ləğvinə, hava məkanının fasiləli bağlanmasına və nəqliyyatın pozulmasına hazır olmalıdırlar". Bölgədən kənarda olanlara "Yaxın Şərqə və oradan səyahət planlarını yenidən nəzərdən keçirmələri" tövsiyə olunur.
