Bakı 
ABŞ Energetika Nazirliyi 13 ştatda və Kolumbiya dairəsində elektrik kəsintilərinin qarşısını almaq üçün tədbirlər görmək barədə təcili əmr verib.
Bakıvaxtı.az "USA Today"ə istinadən xəbər verir ki, tədbirlər qış aylarında yüksək tələbat dövründə elektrik enerjisi çatışmazlığı təhlükəsi və payız mövsümündə təmir işləri ilə əlaqədar generatorların və elektrik xətlərinin planlaşdırılan dayandırılması səbəbindən görülür.
Agentliyin bəyanatında bildirilib ki, "PJM Interconnection" şəbəkə operatoruna müəyyən enerji bloklarını işə salmaq və enerji təchizatının etibarlılığını qorumaq üçün onların işini təmin etmək, eləcə də zəruri hallarda elektrik enerjisi istehsal etmək üçün ehtiyat gücdən istifadə etmək tapşırılıb.
Sərəncam Virciniya, Delaver, Qərbi Virciniya, İllinoys, İndiana, Kentukki, Merilend, Miçiqan, Nyu-Cersi, Ohayo, Pensilvaniya, Şimali Karolina, Tennessi və Kolumbiya dairəsini əhatə edir.
Gülşən Şərif
